വീടിനുൾവശം മനോഹരമാക്കുന്ന ചെടികൾ

ലിവിങ്ങ് ഏരിയായും ഡൈനിങ്ങ് ഏരിയായും വാഷിങ്ങ് & വാനിറ്റി  കൗണ്ടറുമൊക്ക, വ്യത്യസ്തങ്ങളായ ചെടികളും ലൈറ്റുകളുമൊക്കെ ഇട്ട് മനോഹരമാക്കിയാൽ കാണാൻ തന്നൈ ഐശ്വര്യമാണ്.

വാനിറ്റി കൗണ്ടറിൽ ചെറിയ ചെടികൾ വെച്ചാൽ, ആ ഭാഗം പുതുമയും പ്രകൃതിസ്പർശവും നിറഞ്ഞ മനോഹര ഇടമായി മാറും. സ്ഥലം കുറവായതിനാൽ ചെറുതും പരിപാലിക്കാൻ എളുപ്പവുമായ ചെടികൾ തിരഞ്ഞെടുക്കുന്നതാണ് ഏറ്റവും നല്ലത്. അത്തരത്തിലുള്ള ചില ചെടികള്‍ നോക്കാം.

മണി പ്ലാൻറ്  ചെറിയ വെയർജാറുകളിലും വെള്ളക്കുപ്പികളിലും വളർത്താൻ എളുപ്പമുള്ള ചെടിയാണ്, ഇതു വായു ശുദ്ധീകരിക്കുകയും അന്തരീക്ഷത്തിൽ പുതുമയും പോസിറ്റീവ് ഊർജ്ജവും നിറയ്ക്കുകയും ചെയ്യുന്നു.

അതുപോലെ സ്പൈഡർ പ്ലാൻറ് അല്പം വെളിച്ചത്തിലും നനവുള്ള ഇടങ്ങളിലും മനോഹരമായി വളരുകയും വായു ശുദ്ധീകരണത്തിൽ വലിയ പങ്ക് വഹിക്കുകയും ചെയ്യുന്നു. 

സ്നേക്ക് പ്ലാന്റിന് വളരെ കുറച്ച് പരിപാലനമേ ആവശ്യമുള്ളൂ; വെള്ളം ഇടയ്ക്കൊക്കെ കൊടുത്താൽ മതി, രാത്രി സമയത്തും ഓക്സിജൻ പുറപ്പെടുവിക്കുന്നതിനാൽ വാനിറ്റി കൗണ്ടർ പ്രദേശത്തിന് ഏറെ അനുയോജ്യമാണ്.

ഭാഗ്യത്തിന്റെയും സമൃദ്ധിയുടെയും പ്രതീകമായ ലക്കി ബാംബു മണ്ണില്ലാതെ വെള്ളത്തിൽ മാത്രം വളരാൻ കഴിയുന്നതുകൊണ്ട് കൗണ്ടറിന് പ്രത്യേക ഭംഗി നൽകും.

മനോഹരമായ വെള്ളപുഷ്പങ്ങളോടെ പീസ് ലില്ലി അലങ്കാരത്തിനും വായു ശുദ്ധീകരണത്തിനും ഏറ്റവും അനുയോജ്യമായ ചെടിയാണ്.

ഇവയ്ക്കൊപ്പം ഫേൺസ് പോലുള്ള ചെടികൾക്കും വാനിറ്റി കൗണ്ടർ പ്രദേശത്ത് വലിയ പ്രാധാന്യമുണ്ട്, കാരണം ഇവയ്ക്ക് നേരിട്ട് സൂര്യപ്രകാശം ആവശ്യമില്ല, കുറച്ച് നനവുള്ള അന്തരീക്ഷത്തിൽ വളരാനും വളരെ അനുയോജ്യമാണ്.

ബോസ്റ്റൺ ഫേൺ, മെയ്ഡൻഹെയർ ഫേൺ, അസ്പാരഗസ് ഫേൺ തുടങ്ങിയ ഇനങ്ങൾ കൗണ്ടറിലോ അലങ്കാര പാത്രങ്ങളിലോ വെച്ചാൽ പ്രകൃതിദത്ത പച്ചപ്പും ശാന്തതയും നിറഞ്ഞ മനോഹാരിത നൽകും. 

കൂടുതല്‍ ചെടികളെ കുറിച്ചുള്ള അറിവുകള്‍ ലഭിക്കുവാന്‍ നമ്മുടെ വാട്ട്സാപ് ഗ്രൂപ്പില്‍ അംഗമാകുക. https://chat.whatsapp.com/LobXj5o1hCt4aAga0zWCGu?mode=ems_copy_t