ഇപ്പോള്‍ ചതുരപയർ നടാനുള്ള സമയം . ഏറ്റവും പോഷക മൂല്യമുള്ള ഇവയുടെ നടീലും പരിചരണവും അറിയാം

 മാംസത്തിലടങ്ങിയിരിക്കുന്ന  അത്രത്തോളം തന്നെ പ്രോട്ടീന്‍  അടങ്ങിയിരിക്കുന്ന പയർവർഗ്ഗങളിലെ രാജാവാണ്ചതുരപയർ. അതിനാൽ തന്നെ ഇറച്ചിപയർ എന്നും പേരുണ്ട്.  പഴമക്കാര്‍ക്ക് ഇതിന്റെ ഗുണഗണങ്ങള്‍ അറിയവുന്നതിനാലാരിക്കും  പണ്ട് കാലങ്ങളിൽ മിക്ക വീടുകളിലും  ചതുരപയർ നട്ട് വളര്‍ത്തിയിരുന്നു.

അന്യ നാട്ടിൽ നിന്നു വരാഞ്ഞിട്ടോ, ശീതീകരിച്ച സൂപ്പർമാർക്കറ്റുകളിൽ മനോഹര ലേബലൊട്ടിച്ചു വിൽക്കുന്നത് കുറവായതിനാലോ ആവണം മലയാളി ഇവനെ ഇക്കഴിഞ കാലങ്ങളിൽ പുറംതള്ളിയത്.

 ഇതിന്ടെ പോഷകമൂല്യങ്ങൾ അറിയുന്നവരാരും ഇതുപേക്ഷിക്കില്ല.

മാംസ്യം മാത്രമല്ല ഇരുമ്പ്, കാത്സ്യം, ഫോസ്ഫറസ്, പൊട്ടാസ്യം, ജീവകങ്ങള്‍ എല്ലാം ധാരാളം.ചതുരപ്പയറിന്റെ എല്ലാ ഭാഗവും ഭക്ഷ്യയോഗ്യമാണ്.  പൂവും ഇലയും പച്ചക്കറിയായി ഉപയോഗിക്കാം.കുട്ടികളുടെ ആരോഗ്യം വര്‍ദ്ധിക്കാന്‍ ഏറ്റവും നല്ല പച്ചക്കറിയാണ് പ്രോട്ടീന്‍ സംബുഷ്ട്ടമായ ചതുരപയര്‍. 

 ചതുരപ്പയറിന് പൂക്കാന്‍ ദൈര്‍ഘ്യം കുറഞ്ഞ പകല്‍സമയമുള്ള കാലാവസ്ഥ അത്യാവശ്യമാണ് .നമ്മുടെ നാട്ടിലെ ഒക്ടോബര്‍-ഫെ(ബുവരി മാസങ്ങളാണ് ചതുരപ്പയറിന് ഏറെ പ്രിയം. അതുകൊണ്ടുതന്നെ ജൂലായ്-ഒക്ടോബർ മാസത്തിലാണ് നടേണ്ടത്. അതേസമയം ജനവരിയില്‍ നട്ട ചതുരപ്പയര്‍ എത്ര വളര്‍ന്നാലും ഒക്ടോബര്‍ എത്തിയാലേ കായ്ക്കൂ. ഇത് തിരിച്ചറിയാത്തതുകൊണ്ടുതന്നെ ചതുരപ്പയറിന് മച്ചിയെന്ന പഴി പലപ്പോഴും കേള്‍ക്കേണ്ടിവരുന്നു.

രണ്ടരമീറ്റര്‍ അകലത്തില്‍ തടങ്ങള്‍ എടുത്ത് ചതുരപ്പയര്‍ നടാം. വിത്ത് ആറുമണിക്കൂര്‍ വെള്ളത്തില്‍ കുതിര്‍ത്ത് നട്ടാല്‍ വേഗം മുളയ്ക്കും. കാലിവളമോ മണ്ണിരകമ്പോസ്റ്റോ നന്നായി ചേര്‍ത്തുകൊടുക്കണം. വിത്തുകള്‍ തമ്മില്‍ രണ്ടടി അകലം നല്‍കുന്നത് നന്ന്. പന്തലിലായാലും വേലിയിലായാലും ചതുരപ്പയര്‍ പടര്‍ന്നുകയറും.കീടരോഗശല്യമൊന്നും കാര്യമായി  കാണാറില്ല. 

നില മണ്ണിലും ഗ്രോ ബാഗുകളിലും ഇവ നടാവുന്നടതാണ്. വള്ളിയില്‍ കയറ്റി . നല്ലതുപോലെ സൂര്യപ്രകാശം കിട്ടുന്ന സ്ഥലങ്ങള്‍ വേണം വളര്‍ത്താനായി തിരഞ്ഞെടുക്കുവാന്‍. ഇടവളമായി ചാണകപപൊടിയോ മണ്ണിരകമ്പോസ്റ്റോ ചേര്‍ത്ത് കൊടുക്കാം .